ARRIOLA
630 m-ra baino gehiagora dago kokatuta Urkilla mendizerran, Gasteiztik 29 kilometrora eta Araiatik 8ra. Biztanle kopurua: 39 (2014an).
Monumentuak eta arkitektura
Jasokundearen eliza
Jasokundearen eliza Arriola herriko monumenturik garrantzitsuena da. Egun duen fisionomia XVI. mendeari dagokio batik bat, nahiz eta XIII. mendeko dorre bat duen, baita ondorengo mendeetako osagaiak ere. Tenpluak aretoko oinplanoa dauka, burualde zuzenarekin eta izar-itxurako gangekin, zutabe erditan zurkaizten direnak.
Hegoaldean, dekoratu gabeko idi-begi bat irekitzen da. XIII. mendeko dorreak oinplano karratua dauka, urre-koloreko kapitelak dituzten zutabe erditan zurkaizturiko arkuteria itsuarekin apaindua. Ekialdean, arku apuntatuko portada bat irekitzen da, eta, hegoaldean, bi gezileiho. XVII. mendekoa da erdi puntuko arkudun ezpata, eta XVIII. mendekoak sakristia (petxinen gaineko kupuladun estalkiarekin) zein Arimen Andra Mariaren kapera, irekia nabearen ezkerraldean eta ganga erdi obalatuak estalia. Ondare higigarriari dagokionez, mural batzuk ditu burualdeko gangan eta bataiarri bat kopa lauarekin, modernoa, harrinabar gorrixka imitatuz margotua.
Era berean, Arriolak bere ikuztegietako bi kontserbatzen ditu: bata herri sarreran kokatua eta bestea gorago, mendirako sarbide ondoan. Azken horren teilatua duela urteak erori zen, ondorioz, fatxadaren behealdea baino ez dauka. Herriko antzinako iturria ere badago, nahiz eta egun erabili ez.
Pertsonaia ezagunak
Ramón Ortiz de Zárate (1817-1883): foruen aldeko politikari eta idazlea. Diputatua izan zen askotan.
Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.